தவசாயி அம்மாள் :: பெயர்க் காரணம்

 தமிழ்நாட்டு முதல்வர் எடப்பாடி பழனிச்சாமியின் தாயார், தவசாயி அம்மாள் நிறைவாழ்வு வாழ்ந்து 93 வயதில் மறைந்தார். அப்பெயரின் பொருளைச் சில நண்பர்கள் வாட்ஸப் குழுக்களில் வினவியிருந்தனர். 

தப்த-/ தபஸ்- என்பது தவம் என்று தமிழில் தற்பவம் ஆகும். கோபம் > கோவம்; பாபம் > பாவம், ... போல, தபஸ் > தவசு, தவம் என்றாகும். மனஸ் > மனசு, மனம் ஆதற் போல. தபஸ்/தவம் = வெப்பம். காவேரி டெல்ட்டா பகுதியில், தவசிப்பிள்ளை = சமையல்காரன். தவம் செய்பவரும் தவசி. உ-ம்: காஞ்சி பெரியவர் ஒரு தவசி. தபஸ் > தவசு + ஆயி = தவசாயி. அவர்கள் ஊர்ப்பக்கம் இருக்கும் குலதெய்வங்கள் ஒன்றில் பெயர் ஆகலாம். அருந்தவநாயகி பல பெரிய சிவாலயங்களில் அம்பாள் பெயர். தவச்செல்வி, தவக்கொடி, ... இப்பொழுது, தவசாயி என்னும் பெயர் அருகிவிட்டது. வேளாண்மைக் குடும்பத்தில் பிறந்து வாழ்ந்த தவசாயி அம்மாளுக்கு நினைவஞ்சலி. -ஆயி என முடியும் பழைய தமிழ்ப் பெண்பெயர்கள்: நீலாயி, பச்சாயி, ஓச்சாயி, பேச்சாயி, முத்தாயி, தவசாயி, பொன்னாயி, ..... நாகப்பட்டினத்தில் நீலாயதாக்ஷி. மக்கள் நீலாயி என்று பெயர் வைப்பர். குங்கிலியக் கலய நாயனார் பெயர் நீலாயி எனக் குலோத்துங்க சோழன் கல்வெட்டு உண்டு (தேவாரம், தருமை ஆதீனம்). கோவை அருகே பேரூரில் அம்மன் பெயர்: பச்சைநாயகி. பச்சாயி, பச்சையம்மாள், மரகதவல்லி, மரகதாம்பிகை, ... எனப் பெயர். நீலம், பச்சை எல்லாம் கௌரியின் கருமை நிறங்காட்டும் பெயர்கள். கௌரி பெயர்க்காரணம்: Kavari in Tirukkuṟaḷ and Sangam Texts:  Dravidian word for Gauṛ bison and Tibetan yak http://nganesan.blogspot.com/2017/11/kavarimaa-tirukkural-conference-2017.html

சென்ற வாரத்தில் அவரது மகன், முதல்வர் ஹூஸ்டன் தமிழ் இருக்கைக்கு வாழ்த்துச் செய்தி அனுப்பியிருந்தார்: http://nganesan.blogspot.com/2020/10/htsc-fundraiser-oct10-2020-dinamalar.html

 Dr. N. Ganesan

'ஹூஸ்டன்' தமிழ் ஆய்வுகள் இருக்கை இசை நிகழ்ச்சியில் பங்கேற்க அழைப்பு

https://www.dinamalar.com/district_detail.asp?id=2627460

'ஹூஸ்டன்' தமிழ் ஆய்வுகள் இருக்கை இசை நிகழ்ச்சியில் பங்கேற்க அழைப்பு

சென்னை:அமெரிக்காவில் உள்ள, 'ஹூஸ்டன்' பல்கலையில், தமிழ் இருக்கைக்கு நிதி திரட்டும் வகையில், 'இணையத்தில் இசை விருந்து' என்ற இசை நிகழ்ச்சி, வரும், 10ம் தேதி நடைபெற உள்ளது.

அமெரிக்காவின், டெக்சாஸ் மாகாணத்தில் உள்ள, ஹூஸ்டன் பல்கலையில், தமிழ் இருக்கை நிறுவ அனுமதி அளிக்கப்பட்டு உள்ளது.இருக்கைக்கு நிதி சேர்க்கும் வகையில், நாட்டுப்புற இசைக்கலைஞர்களான, செந்தில்கணேஷ் - -ராஜலட்சுமி தம்பதி பங்கேற்கும், 'இணையத்தில் இசை விருந்து' என்ற நிகழ்ச்சி, சமூக வலைதளங்களில், வரும், 10ம் தேதி நடைபெற உள்ளது.

இந்நிகழ்ச்சி, இந்திய நேரப்படி, இரவு, 8:30 மணிக்கு நடைபெறும்.இது தொடர்பாக, 'ஹூஸ்டன் தமிழ் ஆய்வுகள் இருக்கை' வெளியிட்ட செய்திக் குறிப்பு:அமெரிக்க நகரங்களில், தமிழ் பள்ளிகள் உள்ளன. அப்பள்ளி மாணவர்கள், கல்லுாரி செல்லும் போது, தமிழை ஒரு பாடமாக எடுக்கும் வாய்ப்பாக, ஹூஸ்டன் பல்கலையில், தமிழ் இருக்கை அமைக்க அனுமதி அளிக்கப்பட்டது.இதற்கு, தமிழக அரசு சார்பில், 1 கோடி ரூபாய் வழங்கியதுடன், இசை நிகழ்ச்சிக்கு, முதல்வர் இ.பி.எஸ்., வாழ்த்தும் தெரிவித்துள்ளார்.

இசை நிகழ்ச்சியை, https://www.facebook.com/HoustonTamilstudieschair என்ற முகநுாலில் நேரடியாக காணலாம். இது தொடர்பான, மேலும் விபரங்கள் மற்றும் நிதி அளிப்பது தொடர்பான விபரங்கள் அறிய, https://houstontamilchair.org வழியாகவும், +1(908)516 - -3069 மற்றும் +91 98411 52211 என்ற 'வாட்ஸ் ஆப்' எண்ணிலும் தொடர்பு கொள்ளலாம்.இந்நிகழ்ச்சியில், இந்தியா மற்றும் வெளிநாடுகளில் வசிக்கும் தமிழர்கள் பங்கேற்று, உதவ வேண்டுகிறோம்.இவ்வாறு, அதில் குறிப்பிடப்பட்டுள்ளது.

https://www.facebook.com/HoustonTamilStudiesChair

+91 98411 52211 (Whatsapp) 

மிக்க நன்றி!!